குறைவாக நடந்து அதிகம் கலோரி எரிக்கலாமா?
ஜப்பானிய இடைவெளி பயிற்சி (Japanese Interval Training) என்று அழைக்கப்படும், ஜப்பானிய அதிதீவிர நடைப் பயிற்சி முறையைப் பார்ப்போம். இது சாதாரணமான அல்லது சலிப்பான ஒரு நடை மட்டுமல்ல.
எப்படி செய்வது?
இந்த முறையில் 30 நிமிடங்கள் நடப்பது, ஒவ்வொன்றும் 6 நிமிடங்கள் கொண்ட ஐந்து செட்களாகப் பிரிக்கப்படுகிறது.
ஒவ்வொரு செட்டிலும், 3 நிமிடங்கள் வேகமாக நடந்து, அதைத் தொடர்ந்து 3 நிமிடங்கள் மெதுவாக நடக்க வேண்டும்.
இதன் நன்மைகள் என்ன?
வேகமாக நடக்கும் இடைவெளிகளின் போது, உங்கள் இதயமும் நுரையீரலும் சவாலுக்கு உட்படுத்தப்பட்டு, ஏரோபிக் திறன், சகிப்புத்தன்மை மற்றும் ஒட்டுமொத்த இருதய ஆரோக்கியத்தை மேம்படுத்த உதவுகின்றன.
முக்கியம்: தொடங்குவதற்கு முன் உடல் தளர்த்துதலையும், முடித்த பிறகு உடலை குளிர வைப்பதையும் தவிர்க்காமல் செய்வது முக்கியம்.
தொடர்ந்து பயிற்சி செய்வதால் கிடைக்கும் பலன்கள்
ஜப்பானில் இருந்து வந்த ஆய்வுகளின்படி, இந்த முறையை தொடர்ந்து பயிற்சி செய்வது சகிப்புத்தன்மை, இதய ஆரோக்கியம், தசை வலிமை, ஒருங்கிணைப்பு மற்றும் சமநிலையை மேம்படுத்தும்.
உண்மையில், மவுண்ட் சினாய் மருத்துவமனை மற்றும் கலிபோர்னியா பல்கலைக்கழகத்தைச் சேர்ந்த டாக்டர் கார்ல் ஆண்டனி மற்றும் டாக்டர் சார்லஸ் சென்டார் ஆகியோரும் இந்த முறையின் பயனை ஆதரித்துள்ளனர்.
மொத்தத்தில், இது எளிமையானதும் பயனுள்ளதுமான ஒரு நடைப் பயிற்சி முறையாகும்.
வழக்கமான நடைப்பயிற்சியுடன் அல்லது தினமும் 10,000 அடிகள் எடுத்து வைப்பதை மட்டும் இலக்காகக் கொள்வதுடன் ஒப்பிடும்போது, இந்த அதிதீவிர நடைப் பயிற்சி முறை அதிக ஆரோக்கிய நன்மைகளை வழங்கக்கூடும்.
Dr Suman CPS
Consultant orthopaedic surgeon
Sports injuries and arthritis specialist
VGM Hospital
